ராதா கிருஷ்ணரின் காதல் கதை

ம.சுதா கவி 

மதுரை மாவட்டம்

*ராதா கிருஷ்ணரின் காதல் கதை*

கோகுலத்தில் குழல் ஓசை 

கோபியரின் ஆடல் இசை 

கிருஷ்ணனின் பாலக  பருவம் 

ராதையோ தேவதை உருவம் !

கோகிலம் ஆண்ட கண்ணனை 

கோதையர் செய்தனர் வர்ணனை 

புல்லாங்குழல் இசை ஆள

ஆயிரம் கோபியர் அங்கு சூழ !

கோபியர் மயங்கிய வேளையிலே

அவனும் விழுந்தான் காதலிலே

குழலிசை நாடிய ராதை மனம் 

ராதாவை தேடிய அந்த பாதம் !

ராதையும் வாடிய அந்தி நேரம்

போதனை கூடிய காதல் அறம் 

முன் கோபியாம் ராதா முகம் சுழிக்க 

பின் கொஞ்சியே அவன் சிரிக்க !

ராதாகிருஷ்ணன் காதல் மனம்

வானும் நிலவாய் கடந்த தினம் 

துவாரகை நோக்கி அவன் பயணம்

ராதையை வாட்டிய அந்த தருணம் !

நீதி நிலைநாட்டிட சென்றிடடா 

நித்தமும் மனதிலே நின்றிடடா 

நீதிவலம் வர கோரினாள்

ராதா கிருஷ்ணனை மீட்டினாள் !

கிருஷ்ணனும் பிரியா நினைவை 

ராதா புன்னகை செய்த மனதை 

ராதையை பிரிந்திட்ட காதலை 

தாங்கிய அந்த  துவாரகை !

இருவரும் சேரா அந்நிலை 

மனதிலே சேர்ந்திட்ட புனித நிலை 

ராதாயின்றி அவன்  இல்லை 

கிருஷ்ணன் இன்றி ராதா இல்லை !

(குறிப்பு :அவன் - கிருஷ்ணன்)